Қуръони электронии дар телефонбударо бе таҳорат хондан дуруст аст ё на?Маънои Қаландар чист? Ин ном исломӣ аст ё на?

Ва алайкумуссалому ва раҳматуллоҳи ва баракотуҳу. Бародари азиз, истифодаи нусхаи электронии Қуръони карим аз телефон бидуни ҳеҷ монеае дуруст аст. Маънои номи Қаландар дар китоби “Ғиёс-ул-луғот” чунин баён шудааст: “Қаландар дар асл каландар буд, ба маънии кундаи нотарошида, ки дар паси дар андозанд, то зуд кушода нагардад. Ба сабаби тағйири забонҳо қаландар (бо қоф) шудааст”. Дар “Фарҳанги забони тоҷикӣ” ин калима ба маънои дарвеши оворагард ва марди муҷарради аз дунё дасткашида шарҳ дода шудааст. Минбаъд ин калима ҳамчун ном пазируфта шуда, роиҷ мегардад ва мавриди истеъмол қарор мегирад. Азбаски маънои он ба усули шариат мухолиф нест, пас истифодаи он дуруст аст ва ҳеҷ ишколе надорад, аммо номҳое, ки мазмуни беҳтару хубтар дошта бошад, гузоштанаш беҳтар аст.