Намозҳои қазоии гузаштаро чӣ тавр хондан мумкин аст?

Ва алайкумуссалому ва раҳматуллоҳ. Бародари азиз, равиши гузоридани намозҳои қазоӣ низ монанди гузоридани намозҳои вақтӣ аст. Дар намози қазоӣ азону иқомат мегӯяд ва чунин ният мекунад: “Ният кардам бигузорам ду ракъат намози қазоии бомдоди аввалин, ки бар ман аст, рӯй овардам ба қибла, қибла ҷиҳати Каъба, холисан лиллоҳи таъоло Аллоҳу Акбар”. Сипас намозашро монанди намозӣ вақтӣ ба ҷо меорад. Агар хоҳад, ки панҷ вақт намози қазоиро ба ҷо орад, барои намози аввалин азону иқомат мегӯяд ва дар намозҳои боқимонда танҳо ба гуфтани иқомат иктифо мекунад ва ба ҳамин минвол ҳамаи намозҳояшро ба ҷо меорад.