Маънои номи Садам ва Эҳромро мегуфтед.

Ассалому алайкум Бародари азиз, калимаи “садам” (бо ҳарфи “син”) дар луғат ба маъноҳои пушаймонӣ, андӯҳ, оби резон ва шутури нари пуршаҳват омадааст. Гумони ғолиб ин аст, ки номи Садам шакли вайроншудаи Саддом бошад, ки аз решаи “садм” (бо ҳарфи “сод”) гирифта шуда, маънои задан ва кӯфтанро ифода мекунад. Дар ин сурат маънои Саддом бисёр зананда ва кӯбанда мебошад. Калимаи “эҳром” бошад, ба маънои ҳаром гардонидани чизи мубоҳ меояд, ҳамчунин ду порча матоъи сафедро, ки ҳоҷиён ҳангоми шуруъи ҳаҷ ба тан мекунанд, эҳром меноманд. Агарчи дар урфи мардуми мо исми Эҳром ба ҳайси ном маъмул шудааст, вале дар фарҳанги номгузорӣ ҳамчун ном ворид нашудааст.