ИШТИРОК ВА СУХАНРОНИИ САИДМУКАРРАМ АБДУҚОДИРЗОДА-РАИСИ ШЎРОИ УЛАМОИ МАРКАЗИ ИСЛОМӢ ДАР ВОХӮРӢ БО СОКИНОНУ ФАЪОЛОНИ НОҲИЯИ НЎРОБОД

2024-07-15

938

Дар асоси Нақшаи чорабиниҳои Ҳаракати ваҳдати миллӣ ва эҳёи Тоҷикистон барои соли 2024, ки аз ҷониби Раиси Ҳаракат, Пешвои муаззами миллат муҳтарам Эмомалӣ Раҳмон ба тасвиб расидааст, бахшида ба соли 2024 - "Соли маърифати ҳуқуқӣ" рӯзи 12-уми июл дар ноҳияи Нуробод бо сокинону фаъолон дар мавзуи "Конститутсия - омили истеҳкомбахши маърифати ҳуқуқӣ" вохӯрӣ баргузор шуд.

Дар вохӯрии мазкур дар ҳайати гурўҳи корӣ Саидмукаррам Абдуқодирзода низ шомил буданд.

Дар суханронии худ Раиси Шўрои уламои Маркази исломии Тоҷикистон қайд намуданд, ки саодати аслии ҳар як қавму миллат дар сарҷамъиву иттиҳод, ваҳдат ва ҳамдилии халқ аст. Шахсе, ки ба қонун, арзишҳои ахлоқиву имонӣ ва суннату одати неки гузаштагони хеш пойбанд аст ва рўҳу равон, андеша ва гуфтору рафтори худро бо зевари ақл меорояд, яқинан ба саодат хоҳад расид. Мавсуф дар идомаи суханронӣ аз нуктаҳои асосии мулоқоти Пешвои муаззами миллат муҳтарам Эмомалӣ Раҳмон бо намояндагони ҷомеа ва ходимони дини кишвар, аз 9-уми марти соли ҷорӣ ёдоварӣ карда, масъалаҳои пешгирии хурофоту таассуб, бегонапарастӣ, риояи танзими анъана ва ҷашну маросим, пешгирии шомилшавии ҷавонон ба ҳизбу ҳаракатҳои ифротӣ ва дигар масъалаҳои амсоли инро мавриди таҳлилу баррасӣ қарор доданд.