Кўмак ба ятимону камбизоатон ва пиронсолон

Дар партави дастуроти Пешвои миллат доир ба расонидани кўмак ба ятимону бепарасторон ва табақаи ниёзманди ҷомеа роҳбарияти Маркази исломӣ ва масъулони масҷиди марказии ба номи “Ҳоҷӣ Яъқуб” дар даҳаи охири моҳи мубораки Рамазон аз ҳисоби садақаи фитр ба ятимону камбизоатон ва пиронсолони маҳаллаи Шодмонӣ кўмаки хайрия тақдим намуданд. Тақсими хайрияро ҳайати комиссия иборат аз имомхатиб, раиси маҳалла ва шахсони барўманди маҳалла назорат намуданд. Аҳли маҳалла аз ин амали хайрхоҳонаи роҳбарияти Маркази исломӣ ва масҷиди марказӣ изҳори сипос ва миннатдорӣ намуда, шукронаи онро намуданд, ки дар кишвари ободу осуда зиндагӣ ба сар мебаранд.

    Инчунин роҳбарияти Маркази исломӣ ба тарбиятгирандагони мактабинтернати ба номи Бобоҷон Ғафурови ноҳияи Рўдакӣ дар арафаи иди саиди Рамазон кӯмаки хайриявӣ аз қабили маводи хӯрока тақдим намуданд.