ДАЪВАТЕ БА ҶАВОНОН. АЗ ДАСИСАҲОИ “ГУРӮҲИ 24” БАРҲАЗАР БОШЕД!

Масҷиди ҷомеи марказии ба номи Имом Бухорӣ дар шаҳри Гулистон имрӯз фаъолияти худро дар тарбияи худшиносиву худогоҳии аҳли ҷомеа, бахсус намозгузорон ба роҳ монда, дар намозҳои панҷвақта ва рӯзҳои ҷумъа  мардумро ба қадршиносӣ аз сулҳу ваҳдати миллӣ ва шукргузорӣ аз неъматҳои Истиқлолияти давлатӣ даъват менамояд.

Албатта ба  шарофати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз дар кишвари азизамон- Тоҷикистон сулҳу ваҳдат таъмин аст.
Мо сиёсати пешгирифтаи Ҳукумати Ҷумҳурии Тоҷикистонро пурра дастгирӣ карда,
барои боз ҳам тинҷу ором шудани кишварамон саъю талош меварзем ва дигарбора ба бесару сомониҳо роҳ нахоҳем дод.
Мутаассифона, имрӯз як гурӯҳи ифротии манфиатҷӯе бо номи "Гурӯҳи-24"  дар сомонаҳои интернетӣ аз хориҷ ба фитнагариву иғвоангезӣ машғул шуда, нисбат ба Ватани худ хиёнатро пеша кардааст.
Мо чунин рафтори бехирадонаро маҳкум намуда, аз ҳамзамон аз ҷавонон даъват ба амал меорем, ки аз гуфторҳои беасосу бемаънӣ ва аз тафриқаандозиҳои чунин гурӯҳҳои худхонда худдорӣ намоянд.

Муҳаммадҷон Усмонов,

сархатиби масҷиди марказии шаҳри
Гулистон