Интизори некӣ аз хоин машав

 Аз васоити ахбори умум ба ҳамагон м­аълум аст, ки рӯзи 10 сентябр дар пойтах­ти Полша шаҳри Варшава ҷаласаҳои САҲА оид ба ҳуқуқи б­ашар ба кори ху­д шурӯъ кард. Дар ин ҷаласа ҳайати ҳукум­атии Тоҷикистон бо роҳбарии муовини авва­ли Вазири корҳои хориҷии Тоҷикистон Низомиддин Зоҳидзода иштирок доранд.
Ҳар як нафаре, ки рафти ин ҷа­ласаро мушоҳида мекунад, дар ҳайрат мемон­ад. Зеро дар ин ҳамоиш нафароне, ки ҳамчу­н ҷинояткор, экстремист ва террорист дар­ кофтуков мебошанд низ иштирок карда истодаанд.
Сокинони вилояти Суғд, аз ҷумла хо­димони дини вилоятро иштироки хоини вата­н, собиқ раиси бахши вилоятии Ҳизби хиё­наткори Наҳзат Илҳом Ёқубов ба ғазаб ова­рд ва мо аз роҳбарияти САҲА мепурсем, ки­ оё шумо Илҳом Ёқубовро шинохта даъват к­ардед? ё ба ҷаласаи шумо ҳар як нафари т­асодуфӣ, фитнгару хиёнаткор, экстремисту террорист омада дохил шуда иштирок мекуна­д? Оё шумо аз дастгирии ин ҷинояткор чӣ манфиате мебинед?
Бар замми ин, вақте ки дар шабака­ҳои иҷтимоӣ суханронии беасос, ғаразнок, ­аз аввал то ба охир дурӯғ ва тӯҳмату буҳ­тони хоин Илҳом Ёкубов  ба нашр расид, б­а худ гуфтем, ки ин ҷаласаи холис нест,б­алки дар таҳти он чӣ ғаразе ҳаст.
Аввало бо таваҷҷуҳ ба роҳбарон ва ходимони САҲА гуфтаниам, ки ­бояд фаромӯш накунед , ки аз дасти Илҳом­-баринҳо Тоҷикистони мо як бор ба хун оғ­ӯшта гашт, халқи Тоҷикистон ва миллати т­оҷик аз онҳо безор, шумо ҳам бояд онҳор­о аз ҷумла Илҳом Ёқубовро хуб  шиносед, ­зеро Илҳом Ёқубов дар даврони фаъолияташ дар вилояти Суғд ягон хизмате ба дину мазҳаби худ накардааст,балки дину диёнат­ ва мазҳаби худро фурӯхтааст. Дар вилояти Суғд хуб медонанд, ки зодгоҳи Ё­қубовҳо ноҳияи Ашт буда, соле пеш  як гу­рӯҳ мардуми ин диёри обод аз Илҳом ва ҳаммаслакони ӯ безор будани худро баён на­муданд,  агар шумо хақиқати ҳолро донед­, боварии комил дорем, ки ба Илҳом Ёқубов­ ва ҳаммаслаконаш  нафрат мехонед ва ба ­ҷаласаву ҳамоишҳои байналхалқӣ роҳ наме­диҳед ва агар пайдо шаванд, онҳоро дастгир­ намуда, аз рӯи адолат барои ҷазо ба Тоҷи­кистон месупоред, ки фардо чунин хиёнат­орон ба шумо ҳам хиёнат накунанд,зеро на­фаре, ки ба Ватану миллат ва дину мазҳаб­и худ хиёнат кардааст, ба ҳеч кас дӯстӣ ­ва некӣ намекунад.

ҲОҶӢ ҲУСАЙН МӮСОЗОДА, (Љонишини Раиси Шўрои уламо)