Шумо дар посухи суол гуфтаед, ки бо анҷом додани зино никоҳ аз байн намеравад, аммо ман шунидам, ки касе оиладор бошаду зино кунад, никоҳаш бурида мешавад. Кадоме аз ин ду саҳеҳ аст?

Ва алайкумуссалому ва раҳматуллоҳ. Бародари азиз, аз нигоҳи ақидаи аҳли суннат ва ҷамоат мусулмон ба сабаби анҷом додани гуноҳи кабира аз имон хориҷ намешавад. Бинобар ин, агар касе зино кунад, аз имон хориҷ намешавад ва никоҳаш аз байн намеравад, вале барои анҷом додани ин амали қабеҳ сахт гунаҳгор шуда, мавриди уқубат ва муҷозот қарор мегирад.