Ҳангоми қиёмат чун ҳама мемиранд, кӣ зинда мемонад? Баъзе мегўянд, ки ҳазрати Исо (а) зинда мемонад ва пасон мемирад. Боз мегўянд, ки ҳазрати Азроил (а) ҷони худашро қабз мекунад.

Ва алайкумуссалому ва раҳматуллоҳ. 1. Бародари азиз, ҳангоми қиёмат ҳама мавҷудоти ҷондор мемиранд ва дар охир ҳазрати Азроил (а) ба фармони Худованд ҷони худашро қабз мекунад. Ба ҷуз Худованди ягона касе намемонад. Хуруҷи Даҷҷол яке аз нишонаҳои қиёмат аст ва он фитнаи бузурге аст, ки ҳамаи пайғомбарон умматони хешро аз он ҳушдор додаанд. Расули Худо (с) низ умматашро аз фитнаи Даҷҷол огоҳ карда, таъкид доштааст, ки аз он ба Худованд паноҳ баранд. Дар охири замон дар рўи замин фақат мардумони шароратпеша боқӣ мемонанд ва дар ин ҳангом қиёмат барпо мешавад. Хабари фитнаи Даҷҷол дар ҳадисҳои набавӣ ривоят шудааст. 2. Бо арақ кардани бадан таҳорат намешиканад. 3. Бо ангуштон тасбеҳ гардонидан дуруст аст, он чи дар он китоб омадааст, эътибор надорад.