Хоб дидам, ки мурдам ва маро дар лаҳад монда, ба рӯям хокпартоиро шуруъ карданд. Ман калимаи “Астағфируллоҳ” гуфтанро оғоз кардам ва Аллоҳ маро ҷони дубора доду нидо шуд, ки аз лаҳад берунаш кунед, то зикрашро идома диҳад. Ин хоби ман чӣ таъбире дорад?

Ва алайкумуссалому ва раҳматуллоҳи ва баракотуҳу. Бародари азиз, хоби шумо хайр аст, аз он ошуфтахотир нашавед. Ҳамеша ба забону қалбатон зикри Худовандро гўед, зеро дар ҳадис омадааст, ки Расули Худо (с) фармудаанд: “Мисоли касе, ки Парвардигорашро ёд мекунад ва касе, ки Ўро ёд намекунад, монанди зинда ва мурда аст”. Аз ин рў, шумо ҳамеша бо ёди Худо бошед, хайру баракати зиёд насибатон хоҳад шуд.