Суол аз Саттор Бобохонов ба унвони Шӯрои уламо ба воситаи ҳафтаномаи «СССР»Хатна кардани мусулмонон аз кадом сол оғоз шудааст ва аввалин каси хатнашуда кист?

Аз дидгоҳи фиқҳи ҳанафӣ хатна кардан суннат аст, на воҷиб. Аз Абӯҳурайра (р) ривоят аст, ки Пайғамбар (с) фармуданд: «Панҷ чиз ҷузъи фитрат (ва равиши пайғамбарон) мебошад: хатнаи кӯдакон, тарошидани мӯйи зери ноф, кӯтоҳ намудани мӯйлаб, гирифтани нохун ва чидани мӯйи зери бағал».

Аввалин касе, ки хатна кардааст, ҳазрати Иброҳим (а) мебошад. Чунончи аз Абӯҳурайра (р) ривоят аст, ки Пайғамбари Худо (с) фармуданд: «Ҳазрати Иброҳим (а) дар синни ҳаштодсолагӣ худро дар Қадум хатна карданд». Бинобар ин, ба мо дастур дода шудааст, то ки аз равиши ӯ пайравӣ кунем.