Домуллои муҳтарам, лутфан мегуфтед, ки имонро ба Худованд чӣ гуна мустаҳкам кард ё чӣ бояд кард, ки имон мустаҳкам шавад ё аслан чӣ бояд кард, ки инсон ҳидоят ёбад?

Бародари азиз, барои мустаҳкам шудани имон Расули Худо (с) чунин фармудаанд: «Ҳар касе, ки  дӯст доштанаш барои Худо ва бад диданаш барои Худо, атову бахшиданаш барои Худо ва манъ карданаш (яъне ато накарданаш) барои Худо бошад, дар ҳақиқат имони худро комил намудааст». Ҳидоят танҳо дар дасти Худованд аст ва Ӯ касеро хоҳад, ҳидоят мекунад, чунончи мефармояд: «Ба дурустӣ ту (Эй Расули ман) касеро хоҳӣ, ҳидоят карда наметавонӣ, лекин Худованд касеро хост, ҳидоят мекунад. Худованд ҳидоятшудагонро хуб медонад. («Қасас», 56).