Question № 00537
Гӯшти гове, ки дар магазинҳои Россия фурӯхта мешавад, ман онро намедонам, ки чи гуна забҳ карда шудааст, хӯрданаш дуруст аст ё не ?
Question:
Ассалому алайкум ва раҳматуллоҳи ва баракотуҳу, дуруди Худованд бар Шумо, саволи ман чунин аст. Гӯшти гове, ки дар магазинҳои Россия фурӯхта мешавад, ман онро намедонам, ки чи гуна забҳ карда шудааст, хӯрданаш дуруст аст ё не ? Бо эҳтиром, бародари исломии Шумо аз Россия
Саволдиҳанда:Заробиддин
Answer:
Ва алайкумуссалому ва раҳматуллоҳи ва баракотуҳу. Бародари азиз, гуштҳое, ки дар магазинҳои Россия фурӯхта мешаванд, уламои Ислом ба се шарт истеъмоли онро ҷоиз донистаанд. 1. Забҳи онҳо ба тариқаи исломӣ бошад. 2. Зимни куштани мол воқеъан номи “Аллоҳ” гуфта шуда бошад. 3. Забҳкунанда аҳли китоби воқеъӣ бошад. Дар ғайри ин суратҳо истеъмоли ин гуна гуштҳо дуруст нест. Тавсияи мо чунин аст, ки агар ба ҳалол будани онҳо итминон дошта бошед, истеъмол кунед, боке надорад, аммо дар ҳалол будани он шубҳа дошта бошед, аз истеъмоли ин гуна гуштҳо худдорӣ кунед, беҳтар аст.
