Question № 00567
Зане, ки шавҳари худашро бо тариқи паёмак дашном диҳад, пас никоҳи он марду зан чӣ мешавад?
Question:
Ассалому алайкум домулло, мехостам ба суоли ман ҷавоб диҳед, ки ин суол маро бисёр диққат медиҳад. Зане, ки шавҳари худашро бо тариқи паёмак дашном диҳад, пас никоҳи он марду зан чӣ мешавад? Зиндагии онҳо ҳалолу дуруст аст ё ки рӯзи қиёмат ин ҳарду дар азобанд?
Саволдиҳанда:Идрис.
Answer:
Ва алайкумуссалому ва раҳматуллоҳ. Бародари азиз, дашном додан рафтору ахлоқи мӯъмини комил нест ва ашхоси бадзабон агар аз ин хислати бадашон тавба накунанд, ба азоби илоҳӣ гирифтор мегарданд. Бо дашном додан дар никоҳи шумо халал эҷод намешавад, балки никоҳ бо алфози махсус аз байн меравад. Ҳарчанд ҳамсаратон шуморо дашном додааст, вале шумо нисбати ӯ нармӣ ва меҳрубониро пеша кунед, зеро Пайғамбарамон (с) васият кардаанд, ки ба занон хушрафторӣ намоед. Кӯшиш кунед, ки робитаи зиндагиатон барқарор бошад, бо равиши некӯ ҳамсаратонро панду андарз диҳед ва аз хушунату бадрафторӣ парҳез намоед. Иншоаллоҳ нофаҳмиҳо аз байн рафта, дар миёнатон ҳамдигарфаҳмӣ ва муносибати нек ба вуҷуд меояд.
