Ассалому алейкум, ое никоҳи равияи шиа ҳалол ҳисобида намешавад?

Ва алайкумуссалому ва раҳматуллоҳ. Хоҳари азиз дар байни аҳли ташайюъ фирқаҳои зиёде вуҷуд дорад, ки ҳар кадоми онҳо дорои ақидаҳои гуногун ҳастанд. Тибқи мазҳаби ҳанафӣ бо шиъаёне, ки Ҳазрати Алӣ (р)-ро Худо медонанд, ва хилофати Ҳазрати Алӣ (р)-ро аз хилофати Ҳазрати Абӯбакр, Умар ва Усмон (р) беҳтар медонанд, инчунин Ҳазрати Оишаро тӯҳмати ба зино мекунанд, никоҳи сунниҳо манъ аст. Аммо бо шиаъёне, ки ба ин гурӯҳҳо мансуб набошанд, никоҳашон бо аҳли суннат ҷоиз аст.