Ман панҷ фарзанд дорам ва ҳамаи онҳо оиладор мебошанд. Аммо он маоше, ки мегиранд, барои онҳо намерасад. Ман ҳама вақт аз хӯрока ва пӯшока ёрдам мешавам, оё ин ба закот дохил мешавад?

Ва алайкумуссалому ва раҳматуллоҳи ва баракотуҳу. Бародари азиз, закот яке аз рукнҳои асосии Ислом аст ва бояд закотдиҳанда шартҳои хосро доро бошад, пасон закотро пардохт менамояд. Тибқи қарори Шӯрои уламо нисоби закот дар соли ҷорӣ 17400 сомонӣ муқаррар шудааст, ки аз ин миқдор 435 сомонӣ пардохт карда мешавад. Мутобиқи мазҳаби Имоми Аъзам (р) закот ба ҳамсар, фарзандон ва наберагон дода намешавад. Он чи шумо анҷом медиҳед, кори хуб аст ва аҷру подоши зиёд дорад, вале аз закот маҳсуб намешавад.