Номи ман дар ҳуҷҷатҳо Саёҳатдин, аммо дар байни мардум Сайлиддин низ мегӯянд. Аз шумо мепурсам, ки номи ман дуруст аст (маънояш чист), вагарна чӣ бояд кунам?

Ва алайкумуссалому ва раҳматуллоҳ. Бародари азиз, тарзи дурусти номи шумо Салоҳуддин аст, на Саёҳатдин ё Сайлиддин. Азбаски баъзе ашхос аз маънои дурусти ном огоҳии комил надоранд, онро нодуруст талаффуз мекунанд ва ё менависанд. Калимаи “саёҳат” дар луғат ба маънои сайру гардиш ва тамошо, калимаи “сайл” бошад, ба маънои ҷорӣ ва равон шудан омадааст, лекин изофа шудани ин калимаҳо ба калимаи “дин” ва корбурди он ҳамчун ном дар адабиёти илмӣ ва фарҳанги номгузорӣ ворид нашудааст.