Домуллои азиз, як бародари мо дар Русия таҳсил мекунад. Ӯ намоз намехонад ва ба зино даст мезад. Вале бо хости Худо дар бораи дин каме маълумот пайдо карда, пушаймон шудааст. Лутфан мегуфтед, ки ӯ бояд чигуна тавба кунад.

Ва алайкумуссалому ва раҳматуллоҳ. Бародари азиз, пушаймонӣ роҳи аслӣ ба сӯи тавба аст. Тавбаи инсон вақте дуруст мешавад, ки ҳамаи шартҳои он ба ҷо оварда шавад. Яъне аз гуноҳи худ комилан пушаймон гардад, аз гуноҳ даст кашад ва тасмими қатъӣ гирад, ки ҳаргиз дигар он гуноҳро такрор накунад. Агар ин шартҳо риоя карда шаванд, умед аст, ки Худованд тавбаи ӯро бипазирад. Дар ҳадиси шариф Расули акрам (с) фармудаанд: “Тавбакунанда аз гуноҳ ба мисли ин аст, ки ҳаргиз гуноҳе накардааст”. Худованд он бародари шуморо, ки аз гуноҳонаш пушаймон шудааст, тавфиқи тавба ато намояд ва ба роҳи рост ҳидоят фармояд.