Домуллои азиз, хоҷагиҳои деҳқонӣ аз заминҳои кишти ғалладона ба давлат андози иҷтимоӣ ва дигар намуди андозҳо, инчунин пули хидмати обро пардохт менамоянд. Миқдори ушри ин заминҳо чӣ гуна ҳисоб карда мешавад?

Ассалому алайкум. Бародари азиз, дар сурати мазкур аз сабаби он ки шумо дар обёрии зироат ва ҷамъоварии ҳосил машаққати зиёдеро таҳаммул мекунед, аз ин рӯ, бар шумо нисфи ушр лозим мегардад, яъне аз 20 ҳиссаи ҳосил 1 ҳиссаи онро мепардозед, зеро он ҳаққи камбағалон ва фақирон аст. (“Мухтасарул-виқоя”, с. 32-34)