Question № 00928
Пеш аз никоҳ бо ҳамсари худ гаштан, бӯса кардан ва оғӯш гирифтан мумкин аст ё на?
Question:
Суол: Ассалому алайкум. Пеш аз никоҳ бо ҳамсари худ гаштан, бӯса кардан ва оғӯш гирифтан мумкин аст ё на? Маслиҳат ва насиҳатҳои Шумо дар ин маврид чист? Раҳмат.
Саволдиҳанда: Абубакр
Answer:
Ва алайкумуссалому ва раҳматуллоҳ. Бародари азиз, тақрибан ҳама медонад, ки аз нигоҳи дини мубини Ислом бо зани номаҳрам хилват кардан ва бӯсаву оғӯш гирифтани ӯ ҳаром аст. Чунки Худованд бандагонашро аз роҳҳо ва ангезаҳои зино барҳазар дошта мефармояд: «Ва ба зино наздик машавед. Зино коре зишт ва шевае нописанд аст!» (Сураи «Исро», ояти 32). Албатта агар шумо он занро ҳамсари ояндаи худ интихоб кардан мехоҳед, аз нигоҳи шариат фақат метавонед, ки ӯро як бор бубинед ва он ҳам дар хилват набошад. Худованд ба шумо тавфиқи тоат ва парҳез аз маъсият ато фармояд.
