Дар намоз баъд аз тиловати ояти саҷда агар саҷдаро фаромӯш кунем, оё қазо дорад ё на?

Ва алайкумуссалому ва раҳматуллоҳ. Бародари азиз, пас аз тиловати ояти саҷда агар саҷдаро фаромӯш кунад, модоме ки дар намоз аст, кадом вақте ки дар ёдаш омад, саҷда мекунад, вале баъд аз салом додан дигар саҷда қазо надорад. Агар дар беруни намоз ояти саҷдаро тиловат намуд, вале онро фаромӯш кард, ҳар вақте ба хотираш омад, саҷдаро ба ҷо меорад. (“Мухтасарул-виқоя”, с. 23) 2. Тибқи мазҳаби Имоми Аъзам (р) аз паси имом хондани сураи “Фотиҳа” ё дигар сураҳо ҷоиз нест, хоҳ намози ҷаҳрӣ бошад ё намози хуфя. Аз Ҷобир ибни Абдуллоҳ (р) ривоят аст, ки Расули Худо (с) фармуданд: «Ҳар касе имом дошта бошад, пас қироати имом барои ӯ низ қироат маҳсуб мешавад». (Ривояти Ибни Моҷа; “Мухтасарул-виқоя”, с. 15-17)