Эҳтироми арзишҳои муқаддаси миллӣ, дар мисоли Конститутсияи Ҷумҳурии Тоҷикистон, Парчами давлатӣ, Суруди миллӣ ва Нишони давлатӣ ифодагари ифтихори миллӣ ва пойдории давлат ба ҳисоб рафта, нишони арҷ гузоштан ба арзишҳои миллию таърихӣ маҳсуб меёбад. Ба вижа Парчами давлатӣ, ки рамзи озодӣ ва устувории давлати соҳибистиқлоламон буда, ҳамчун муқаддасоти миллату давлати мо дар болои биноҳои мақомоти давлатӣ, мактабу муассисаҳои олӣ ва дигар иншооти муҳими давлатӣ ва майдонҳои расмӣ барафрохта шудааст.

Дар баробари рушди иқтисодиёти кишвар, Пешвои миллат ба арзишҳои миллӣ ва фарҳанги исломӣ низ таваҷҷуҳи ҷиддӣ доданд. Инчунин муносибатҳои дипломатиро ба мамлакатҳои мусулмонӣ ривоҷ дода, дар арсаи ҷаҳонӣ мақоми дини мубини Исломро ҳимоя намуданд. Корнамоиву хизматҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар замони истиқлолият дар соҳаи дин хеле бузурганд.

Ватандорӣ аз қадимулаём нишонаҳои хосси худро дошт, ки яке аз онҳо парчам буд, ки дар замони муосир ин рисолати азалиро дар саҳнаҳои гуногуни ҳаёт бештар ҷилвадор намудааст. Ба унвони мисол вақте як варзишгари тоҷикистонӣ дар ин ё он мусобиқаи байналмиллалӣ ғолиб мегардад ва ҳангоми ҷоиза додан парчами миллии Тоҷикистон барафрохта мешавад, қалби ҳар як шахси ватандӯстро ҳисси фараҳу шодӣ фаро мегирад.

Ҳар сол, рӯзи 24-уми ноябр, дар кишвари азизамон Рӯзи Парчами давлатиро ҳамчун рамзи иттиҳоду сарҷамъӣ ҷашн мегирем. Парчам, ки бо номҳои байрақ ва ливо миёни мардуми тоҷик маъруф аст, дар таърихи Ислом падида ё рӯйдоди бегона нест. Яке аз хусусиятҳои хосси он муттаҳидию сарҷамъии мардуми як давлат баҳри ҳимояи арзишҳои миллӣ, давлатӣ ва сарзамини аҷдодӣ мебошад. Яъне иттиҳоду сарҷамъӣ муҳимтарин рамзи Парчами давлатӣ аст. Иттиҳоду сарҷамъӣ дар дини мубини Ислом низ мавқеи хос дорад.

16-уми ноябри соли 1992 дар қасри Арбоби шаҳри Хуҷанд Иҷлосияи таърихии 16-уми Шӯрои Олии ҷумҳурии Тоҷикистон баргузор гардид. Дар ин Иҷлосияи тақдирсоз, ки сарнавишти миллат ҳаллу фасл мешуд, вакилон якдилона ҷавони боғайрату ватандӯст ва сарсупурдаи миллат Эмомалӣ Раҳмонро Раиси Шӯрои Олии Ҷумҳурии Тоҷикистон интихоб намуданд.

Ҳар маконе, ки муқаддас бошаду да­р он ҷо инсони Худодод пайдо шавад, оромию­ осоиштагӣ ва саодати халқ пайдо мешава­д.