Вопрос № 01168
Шахсонеро мешиносам, ки зиндагии на он қадар хуб доранд, Масалан дар пардохти ҳаққи хидмати барқ, аммо аз тарафи дигар барои хонагирӣ аз Русия ё ягон кори дигар маблағ ҷамъ меоваранд. Бисёрашон нони серӣ намехӯранд. Оё ҳамин табақаи аҳолӣ аз маблағи ҷамъовардаашон закот медиҳанд.
Вопрос:
Ассалому алайкум домуллои муҳтарам. Шахсонеро мешиносам, ки зиндагии на он қадар хуб доранд, яъне ба табақаи камбизоат дохиланд ва аз тарафи давлат ёрии иҷтимоӣ мегиранд. Масалан дар пардохти ҳаққи хидмати барқ, аммо аз тарафи дигар барои хонагирӣ аз Русия ё ягон кори дигар маблағ ҷамъ меоваранд. Бисёрашон нони серӣ намехӯранд. Оё ҳамин табақаи аҳолӣ аз маблағи ҷамъовардаашон закот медиҳанд.
Саволдиҳанда: Хайриддин
Ответ:
Ва алайкумуссалому ва раҳматуллоҳ. Бародари азиз, агар маблағи ҷамъовардаи онҳо ба ҳадди нисоб расад ва як соли қамарӣ аз он бигузарад, закоти онро адо мекунанд. Дар ин ҳолат ин гуна шахсон аз табақаи камбизоат ҳисоб намешаванд. Пардохти закот дар харидани хона ҳеҷ халале намерасонад, балки сабаби баракати мол мегардад.
