Чаро дар намози ҷумъа ду маротиба азон мегӯянд?

Ва алайкумуссалому ва раҳматуллоҳ. Бародари азиз, дар оғози Ислом дар намози ҷумъа як бор азон дода мешуд, вале дар замони ҳазрати Усмон (р) ба сабаби зиёд шудани мусулмонон, ҳазрати Усмон (р) азони дигарро зиёд намуданд, то ки мардум дар ғафлат намонанд. Чунонки аз Соиб ибни Язид ривоят аст, ки фармуд: “Дар аҳди Расули Худо (с) ва Абубакру Умар (р) азони рӯзи ҷумъа ҳангоми нишастани имом дар минбар дода мешуд, чун замони хилофати Усмон (р) теъдоди намозгузорон афзуд, ӯ амр кард, ки дар Завро (номи сарое дар бозори Мадина) азони дувум гуфта шавад”. (Ривояти Бухорӣ, Тирмизӣ ва дигарон)