Дар сомонаҳои интернетӣ навиштаҷоте дар бораи номҳои Худо ва ё ҳаёти Пайғомбар (с) тариқи паёмак ирсол мешавад, ки онро ба даҳ ё бист нафар равон бояд кард, вагарна даҳ ё бист соли ризқи инсон кам мешавад. Оё бовар ва амал кардан ба он дуруст аст?

Ва алайкумуссалому ва раҳматуллоҳи ва баракотуҳу. Бародари азиз, албатта ҳифз ва азбар намудани асмои ҳуснои Худованд аҷру подоши бузурге дар бар дорад, инчунин огоҳӣ аз сират ва зиндагиномаи Расули акрам (с) низ фазилатҳои зиёдеро дорост ва бояд ҳар як нафар ба қадри имкон аз ин маълумот огоҳӣ дошта бошад, аммо ин иддио, ки агар матолиби паёмакро ба даҳ ё бист нафар равон накунӣ, даҳ ё бист соли ризқат кам мешавад, асоси шаръӣ надорад ва набояд ба он бовар кард.