Дар вақти имтиҳон ё дигар корҳо баъзе муаллимон аз донишҷӯён пул меситонанд, нисбати ин амали онҳо чӣ гуфтан мумкин аст? Оё дар ин ҷо донишҷӯ гунаҳгор аст ё на? Он маблағҳое, ки онҳо мегиранд, оқибаташ чист? Дар ҳаққи мо дуогӯ бошед.

Ва алайкумуссалому ва раҳматуллоҳи ва баракотуҳу. Бародари азиз, ин амал ришва аст ва чунонки маълум аст, ришва дар дини Ислом ҷоиз нест. Чунки Расули Худо (с) фармудаанд: “Ришвадиҳанда ва ришвагиранда дар дӯзаханд”. Ҳар чизе, ки шариат манъ кардааст, дар он ҳеҷ хайру баракате нест. Худованд ҳамагиро тавфиқи аъмоли солеҳ ва парҳез аз гуноҳ насиб гардонад.