Вақте ки таҳоратро комил мекунам, пас аз як ё ду дақиқа фаромӯш мекунам, ки сарро масҳ кашидаам ё на. Дар намоз низ пас аз гузоридани ду ё се ракъат фаромӯш мекунам, ки як саҷда кардаам ё ду саҷда. Дар ин ҳолатҳо ман чӣ бояд кунам?

Ва алайкумуссалому ва раҳматуллоҳ. Бародари азиз, он чи шумо зикр намудед, васвасаи шайтон аст, ки дар амали шумо шакку тардид ворид кардан мехоҳад. Шумо зикри “Ло ҳавла ва ло қуввата илло биллоҳил-Алиййил-Азим”-ро бисёр гӯед ва пас аз анҷоми таҳорат намозатонро бо дили пур гузоред, иншоаллоҳ ин васваса аз қалби шумо рафъ мегардад.