Қуръон дар моҳи Рамазон якбора фуруд омадааст ё ки оят-оят нозил шудааст? Сураҳоро кӣ номгузорӣ кардааст?

Ва алайкумуссалому ва раҳматуллоҳ. Бародари азиз, Қуръони карим дар шаби Қадр аз Лавҳи маҳфуз ба осмони дунё якбора фуруд омадааст. Пас аз он дар муддати бисту се сол тибқи рўйдодҳо ва талаботи замони нубувват ба таври тадриҷӣ оят-оят ва сура-сура ба Расули акрам (с) нозил шудааст. Сураҳои Қуръонро худи Расули акрам (с) бо дастури ҳазрати Ҷабраил (а) аз тарафи Худованд номгузорӣ кардаанд.