Оё намози витри воҷибро қазоӣ мегузоранд ва нияти он чигуна аст?. Намозҳои қазоии рўзи гузаштаро “қазоии рўзи гузашта” мегўянд ё “қазоии гузашта”? Дар намоз сураҳоро аз рўи тартиб мехонанд ё нахуст ҳамонро, ки ояти бисёр дорад?

Ва алайкумуссалому ва раҳматуллоҳ. 1. Бародари азиз, намози витр воҷиб аст ва дар сурати фавт шудан қазо доштани он низ воҷиб аст. Дар нияти он “қазои намози витр” гуфта мешавад. 2. Дар вақти ба ҷо овардани намозҳои қазошудаи рўзи гузашта “намози қазоии рўзи гузашта” гуфтан беҳтар аст, агарчи “намози қазоии гузашта” гуфтан ҳам боке надорад. 3. Тартиби хондани сураҳо дар намозҳо аз рўи тартиби навишташон дар Қуръон аз боло ба поён бояд бошад.