Ман каме пули закот дорам. Шавҳарам дар шаҳри Маскав дар зиндон аст. Оё аз ин маблағ закот диҳам ва ё мумкин аст, ки бо истифода аз он пули закот шавҳарамро хабар гирам?

Ва алайкумуссалому ва раҳматуллоҳ. Хоҳари азиз, агар маблағи дар дасти шумо буда ба нисоб расида ва як сол аз он сипарӣ шуда бошад, пас дар зиммаи шумо пардохти закот воҷиб мегардад. Сарф кардани маблағи закот дар ниёзҳои шахсӣ раво нест, зеро он ҳаққи мустаҳиққон ва ниёзмандон аст.