Дар фасли баҳор нафарони бисёре аллергия доранд. Дар ҳолати рўза истифода бурдани маводи дорувории “капли” ё “спрей”, ки дар бинӣ чаконда мешавад, рўзаро мешиканад? Агарчи ин дору ба гулў намеравад, вале бадан онро қабул мекунад.

Ва алайкумуссалому ва раҳматуллоҳ. Бародари азиз, дар ҳолати пеш омадани зарурат агар дору пас аз чаконидан аз бинӣ ба ҳалқ ва меъда бирасад, рўзаро фосид мекунад, вале агар он ба андозае бошад, ки дар нармии бинӣ ҷабида шуда, ба ҳалқаш нарасад, дар ин сурат рўза фосид намешавад.