Оё дар дини Ислом шарт кардан ҷоиз аст? Масалан шарт мегузорем, ки дар бозии байни ду нафар кадоме ғолиб ояд, мағлуб ба ғолиб чизе бидиҳад.

Ассалому алайкум. Бародари азиз, аз нигоҳи фиқҳи мазҳаби ҳанафӣ ду нафар бар ин шарт бозӣ кунанд, ки мағлуб ба ғолиб чизе ё маблағе бидиҳад, ин шарти гузоштаашон ҳаром мебошад. Вале агар шахси сеюм дар байни онҳо чизе ё маблағеро гузорад ва онро барои нафари ғолиб таъйин кунад, ин амали ў ҷоиз мебошад. Чунончи дар мусобиқаи гўштингирӣ байни паҳлавонон маблағе ё туҳфае бо номи “солим” мегузоранд.