Агар шахсе дар як ҳафта аз рўзи душанбе то ҷумъа дар масофаи роҳи Кўлобу Душанбе дур аз хона бошад, чигуна намоз мегузорад? Доир ба намози қаср маълумот медодед.

Ассалому алайкум. Бародари азиз, аз нигоҳи мазҳаби ҳанафӣ масофа барои қаср хондани намоз се марҳала аст, ки ба ҳисоби имрўза 120 км мешавад. Шахси мусофир дар тамоми муддати сафари худ намозҳои чаҳорракъатиро қаср мекунад. Агар шахси мусофир дар шаҳр ва деҳае, ки меравад, ба муддати 15 рўз нияти иқомат кунад, дигар ҳукми мусофириро надорад ва намозҳояшро комил адо менамояд. Агар нияти иқомат накунад ва ба сабаби тамом нашудани кораш имрўз ё фардо гуфта моҳҳо ҳам бимонад, ҳукми мусофирро дорад. Агар мусофир ба ватани аслии худ баргардад, аз ҳукми мусофирӣ хориҷ мешавад ва намозҳояшро комил адо мекунад.