Ман бо шахсе якдигарро дўст доштем. Ў маро ҳамчун зан қабул кард ва ман ўро ҳамчун шавҳар, лекин никоҳ накардем. Ў маро бо ҳама чиз таъмин мекунад. Оё ба ман ҳаққи шавҳарӣ дорад?

Ассалому алайкум. Хоҳари азиз, никоҳ ва издивоҷ суннати ҳазрати Пайғамбар (с) аст ва ҳар гуна муносибати бидуни никоҳ дар байни марду зан амали номашруъ ва гуноҳ ба ҳисоб меравад. Чунин муносибат дар байни шумо нораво ва сабаби наҳсию бебаракатӣ дар молу ҷону хонадон мегардад. Бинобар ин, бояд шумо бо якдигар ақди никоҳи шаръӣ анҷом дода, ҳамчун зану шавҳари ҳақиқӣ зиндагӣ кунед, дар ин сурат баракат хоҳед ёфт.