Ҳангоми аз шаҳри Кўлоб ба Душанбе сафари кўтоҳмуддат (як ё дурўза) доштан намоз бояд чигуна гузорида шавад? Қаср хондан зарур аст ё ки намозро бояд пурра гузорид?

Ва алайкумуссалому ва раҳматуллоҳ. Бародари азиз, вақте ки шахсе аз маҳалли зисташ азми сафар кунад ва масофа то макони мақсудаш 120 км роҳ бошад, намозҳоро қаср мегузорад. Агар дар аснои сафар намози чаҳорракъатие қазо шуд, онро низ ба сурати қаср, яъне ду ракъат ба ҷо меорад.