Чаро Раиси Маркази исломӣ ва кормандони он ҳамеша ба пайравӣ аз мазҳаби ҳанафӣ таъкид мекунанд?

Сабаби тарғиб ва тавсия намудани Раиси Маркази исломӣ ва имомхатибон ба пайравӣ аз мазҳаби ҳанафӣ дар он аст, ки пайравӣ аз ин мазҳаб фавоиди бисёреро дар бар дорад. Аз ҷумла, дар мазҳаби ҳанафӣ ҳама амал дар асоси гуфтаҳои Худо ва Расули Ӯ (с) анҷом мегирад. Дигар фоидаи арзишманди он таҳаммулпазирист, ки меҳвари асосии ваҳдати миллӣ ва сулҳу суботи ҷомеа дар он инъикос ёфтааст. Имрӯз ҳар як фарди солимфикр медонад, ки олами Ислом ба сабаби ихтилофоти ақидавию мазҳабӣ ба майдони ҷангу хунрезӣ кашида шудааст. Пас чӣ гуна дар ин масъалаи мубрами рӯз бетарафӣ ва хомӯширо ихтиёр мекунанд? Дар замони муосир барои ҳар фард ва ҷомеае оромию осудагӣ монанди обу ҳаво зарур мебошад. Бинобар ин, яккамазҳабӣ омили асосӣ ва муҳимми ваҳдату оромӣ ба шумор меравад.