Маънои лафзи «Аллоҳ» чист?

«Аллоҳ» номи зоти якто ва ягона аст, ки «Воҷибулвуҷуд» ва дорои тамоми сифатҳои камол аст.«Воҷибулвуҷуд» ба мавҷуде гуфта мешавад, ки вуҷудаш‌ воҷиб‌ ва зарурӣ‌ ва адами‌ вуҷудаш‌ номумкин‌ бошад.Мавҷуде,‌ ки‌ воҷибулвуҷуд бошад, аз азал мавҷуд буда‌, барои‌ ҳамеша‌ мавҷуд хоҳад бувад. Барои‌ ў оғозе‌ ва интиҳое‌ нест.
Дар ҳеҷ‌ замоне‌ несту‌ нобуд наме‌шавад. Ба‌ зот‌ ва худии‌ худ мавҷуд буда‌, дар вуҷуди хеш‌ ба‌ дигар мавҷуде ниёзманд ва муҳтоҷ‌ нест,‌ зеро касе,‌ ки‌ дар вуҷуд ва бақои‌ хеш‌ ниёзманд ба‌ дигаре‌ бошад, наме‌тавонад воҷибулвуҷуд бошад.Пас,‌ бар асоси‌ таълимоти‌ олии‌ Ислом, «Воҷибулвуҷуд» фақат‌ зоти‌ ягона‌ ва беҳамтои‌ Худованди Мутаол‌ аст‌ ва дигар чизе дар олам воҷибулвуҷуд нест‌ ва нахоҳад буд. Барои‌ воҷибулвуҷуд камоли‌ зотӣ‌ зарурӣ‌ аст.Аз ин рў, тамоми‌ сифоте, ки‌ барои‌ камол‌и зотӣ‌ лозим‌ ва зарурӣ‌ аст, сифот‌и комила‌ ме‌бошанд. Ба ҷуз аз зоти‌ Худованд ва тамом‌и сифоти‌ Ў дигар ҳеч‌ чизе‌ қадим‌ нест.