Ассалому алайкум. Фидя барои шахсе, ки бемори қанд аст ва рӯза намегирад, мумкин аст? Чӣ қадар фидя бояд дод ва ба чӣ гуна одамон?

Ва алайкумуссалом ва раҳматуллоҳи ва баракотуҳу, бародари азиз. Касоне, ки гирифтори беморӣ буда, аз гирифтани рӯза ҳамеша оҷиз мебошанд, рӯзаи худро хӯрда, баъдан барои ҳар рӯзе 20 сомонӣ фидя диҳанд. Агар бо ҳамин кулли Рамазон рӯза гирифта натавонад, 600 сомонӣ фидяи рӯза пардохт менамояд. Фидяи рӯзаро ба касоне медиҳад, ки масрифи закот ҳастанд, яъне қарздор, фақир, мискин ва мусофир.