Ассалому алайкум. Ба мо мефаҳмондед, ки аз 700 сомонӣ музди меҳнат чанд сомонашро бояд закот дод.

Ва алайкумуссалому ва раҳматуллоҳ. Бародари азиз, закот дар як сол як бор ба соҳиби нисоб фарз мешавад, ки ғайр аз эҳтиёҷоти зиндагияш дар аввал ва охири сол ба миқдори 17400 сомонӣ маблағ дошта бошад ва аз ин миқдор ба андозаи 435 сомонӣ закот дода мешавад. Вале дар маоши ҳармоҳа закот воҷиб нест. Худо нигаҳбони шумо бошад.