Домуллои азиз, агар дар хоб бинӣ, ки ба ту хат додаанд ва гўё ман ҳоҷибибӣ шудаам, чӣ маъно дорад. Гарчанде мегўянд, ки хобатро ба касе нагўӣ, ба ҳар ҳол таъбири онро каме шарҳ медодед.

Ассалому алайкум ва раҳматуллоҳ. Хоҳари азиз, албатта ғайр аз хоби паёмбарон (а) дигар хобҳо барои анҷоми коре ҳуҷҷат ва далел шуда наметавонад, чунки хоби ғайри паёмбарон (а) бар ду навъ аст, яке раҳмонӣ, ки аз ҷониби Худованди Раҳмон мебошад ва дигаре шайтонӣ, ки аз ҷониби васвасаҳои шайтон сурат мегирад. Ба ҳар ҳол, оид ба хоби дидаи шумо бузургон мефармоянд, ки далолате бар ҳидоят аст, ҳар хобе, ки дар он ибодате дида шавад, он далолат бар ҳидояти инсон мекунад, яъне дар роҳе, ки шумо ҳастед, он роҳ роҳи хайр аст. Худованд ёру мададгори шумо.