Оё ҳангоми намози бо ҷамоат дар ракъатҳои сеюм ва чорум муқтадӣ низ сураи “Фотиҳа”-ро мехонад?

Ассалому алайкум. Бародари азиз, аз нигоҳи мазҳаби Имоми Аъзам (р) муқтадӣ дар ҳама ракъатҳои намоз, хоҳ намози сиррӣ (пешин ва аср) бошад ва ё ҷаҳрӣ (бомдод, шом ва хуфтан), сураи “Фотиҳа” намехонад, балки сукут мекунад. Аз Ҷобир ибни Абдуллоҳ (р) ривоят аст, ки Расули Худо (с) фармуданд: «Ҳар касе имом дошта бошад, пас қироати имом барои ӯ низ қироат маҳсуб мешавад». (Ривояти Ибни Моҷа; “Мухтасарул-виқоя”, с. 15-17).