Намози қаср туҳфае аз тарафи Худованд ба бандагон аст ва пурра хондани он гуноҳ аст. Пас, намози суннатро пурра хондан хилофи фармудаи Худованд намешавад?

Ва алайкумуссалому ва раҳматуллоҳи ва баракотуҳу. Бародари азиз, чунонки шумо гуфтед, намози қаср туҳфае аз тарафи Худованд аст, аз нигоҳи мазҳаби ҳанафӣ қаср хондани он ҳатмӣ аст. Набояд фаромӯш кард, ки намозҳои суннат низ фармудаи Худованд ҳастанд, зеро ҷумлаи гуфтору кирдори Расули Худо (с) аст. Худованд Расули худро чунин васф мекунад: “Ва сухан аз хоҳиши нафс намегӯяд. Нест гуфтораш, магар ваҳй, ки ба ӯ фиристода мешавад”. (Сураи “Наҷм”, ояти 3-4) Ҳазрати Пайғамбар (с) намозҳои суннатро дар ҳама ҳол хондаанд, хоҳ дар сафар бошад, хоҳ дар ҳазар (хона), фақат дар ҳолати зарурат онро тарк намуданд. (“Сунан”-и Тирмизӣ, ҷ. 2, с. 435)