Домуллои азиз, дар бораи қартабозӣ ва монанди инҳо маълумот медодед.

Ва алайкумуссалому ва раҳматуллоҳи ва баракотуҳу. Бародари азиз, агар дар қартабозӣ ва дигар навъҳои бозӣ маблағе гузошта шавад, пас он қимор ба ҳисоб меравад ва тибқи ояти қуръонӣ ҳаром мебошад. Худованд дар Қуръони карим мефармояд: “Эй мӯъминон, ҷуз ин нест, ки хамр ва қимор ва нишонаҳои маъбудони ботил ва тирҳои фол палид ва аз кирдори Шайтон аст; пас, аз вай дурӣ кунед, то бувад ки растагор шавед”. (“Анъом”, 90) Вале агар қартабозӣ ва амсоли он бидуни маблағ анҷом дода шаванд, пас як навъ лаҳв ва кори беҳуда ба шумор рафта, боиси зоеъ шудани умри гаронмоя мебошанд.