Вохӯрии Муфтии Тоҷикистон бо Раиси Идораи мусулмонони Ӯзбекистон 09 июли соли 2026, шаҳри Тошканд

Вохӯрии Муфтии Тоҷикистон бо Раиси Идораи мусулмонони Ӯзбекистон

09 июли соли 2026, шаҳри Тошканд

Дар ҳошияи Форуми якуми байналмилалии «Тамаддуни исломӣ» Раиси Шӯрои уламои Ҷумҳурии Тоҷикистон, Муфтии кишвар, муҳтарам Саидмукаррам Абдуқодирзода бо Раиси Идораи мусулмонони Ҷумҳурии Ӯзбекистон, Муфтӣ шайх Нуриддин Холиқназар мулоқот анҷом доданд.

Зимни вохӯрӣ ҷонибҳо масъалаҳои ҳамкории мутақобила миёни ниҳодҳои динӣ, табодули таҷриба дар самти фаъолияти идоравӣ ва корҳои фатво, инчунин таҳкими робитаҳои дӯстона миёни ду кишвари ҳамсоя, халқҳои бародар ва пайравони мазҳаби ҳанафиро мавриди баррасӣ қарор доданд.

Мулоқот дар фазои самимият ва ҳусни тафоҳум баргузор гардида, ҷонибҳо омодагии худро ҷиҳати густариши ҳамкориҳои минбаъда дар самтҳои мавриди таваҷҷуҳи муштарак таъкид намуданд.