Оё хатми Қуръон фармудан ҷоиз аст? Яъне дар моҳи Рамазон пораҳои Қуръонро ба хонандагон тақсим мекунанд ва шаби ифтор ин хатмро ба гузаштагон мебахшанд.

Ва алайкумуссалому ва раҳматуллоҳ. Бародари азиз, хатм фармудан дар Рамазон ва ҳар вақти дигар ҷоиз аст, чизе додан низ ҷоиз аст, зеро як навъ некӣ ва эҳсон мебошад, ба шарте ки дар ин амал тамаъ набошад. Вале агар хатм ба иҷора бошад, дуруст нест, яъне шахсе гӯяд, ки барои ман ба ивази ин миқдор маблағ Қуръонро хатм кунед, ё қорӣ гӯяд, ки барои гузаштагони ту ба ивази ин миқдор маблағ хатми Қуръон мекунам, дар ин сурат хатм дуруст намешавад.