Сабаби манъ шудани гӯшти хук ва шаробро мегуфтед.

Ва алайкумуссалому ва раҳматуллоҳ. Бародари азиз, аҳкоми шаръӣ ҳама тавқифӣ ҳастанд, Худованд ҳаким аст ва ҳар як кори ӯ ҳикматҳои фаровон дорад, ки мо аз ҳақиқати он огоҳ нестем. Тибқи гуфтаи донишмандон яке аз ҳикматҳои ҳаром будани гӯшти хук ин аст, ки дар таркиби он моддае вуҷуд дорад, ки пас аз истеъмоли гӯшт аз бадани инсон хориҷ намешавад ва ба саломатӣ зарар дорад. Ҳикмати ҳаром шудани шароб ин аст, ки истеъмоли он ақли инсонро аз фаъолият бозмедорад ва дар ин ҳолат инсон ба ҳар гуна ҷиноят даст мезанад.