Мусалмон кист ва мӯъмин кист? Мартабаи кадом яки инҳо болотар аст?

Ва алайкумуссалому ва раҳматуллоҳи ва баракотуҳу. Бародари азиз, аз нигоҳи луғат байни имон ва ислом фарқ вуҷуд дорад, зеро имон ба маънои гаравидан ва тасдиқ доштан, ислом ба маънои итоат ва таслим шудан аст. Аммо аз нигоҳи шариат мӯъмин ва мусулмон яке аст, яъне мӯъмин ҳамон мусулмон аст ва мусулмон ҳамон мӯъмин, зеро Худованд дар оятҳои 34-35-уми сураи “Зориёт” як қавмро ҳам мӯъмин ва ҳам мусулмон номидааст, бинобар ин, мӯъмин ва мусаламон яке ҳастанд.