Оё ҷарроҳии пластикӣ кардани бинӣ дар Ислом ҷоиз аст? . Шайхи фонӣ киро мегўянд?. Шахсе соҳиби дукони тиҷоратӣ буда, сармояи он дукон 80000 $ бошад, вале айни ҳол савдо ва даромаде надорад, оё закот бар ў фарз мешавад?

Ва алайкумуссалому ва раҳматуллоҳ. 1. Бародари азиз, ҷарроҳии пластикии бинӣ фақат дар ҳолати зарурат раво аст, бе узр ҷоиз нест. 2. Шайхи фонӣ пири солхўрдае аст, ки бар асари пирӣ тавони рўза доштан надорад ва пас аз моҳи Рамазон ҳам наметавонад қазои онро ба ҷо оварад. Ҳамчунин беморе, ки то охири умр ба саломатиаш умеде нест, дар ҳукми шайхи фонӣ дохил аст. Чунин ашхос ба ҷои рўза фидя медиҳанд. 3. Соҳиби ин дукон аз он сармояе, ки дорад, бояд закот пардозад, агарчи савдо ё даромаде ҳам надошта бошад, зеро ў соҳиби нисоб аст.