Дар моҳи шарифи Рамазон ҳомила шудани зан ягон зиён дорад? Одоби ҳамхобагӣ дар ин моҳ чӣ гуна аст? Баъзеҳо ақида доранд, ки гўё зан даҳ рўз пеш аз ин моҳи муборак ҳомила шуда бошад, ба кўдаки оянда зарар дорад. Оё ин ақида дуруст аст?

Ва алайкумуссалому ва раҳматуллоҳ. Бародари азиз, ҳомила шудани зан дар ин моҳи муборак ягон зиёне надорад. Ин ақида, ки ҳомила шудани зан даҳ рўз пеш аз ин моҳи муборак ба кўдак зарар дошта бошад, нодуруст аст ва ҳеҷ далели шаръӣ надорад. Дар шабҳои моҳи муборак ҳамхоба шудан бо ҳамсар раво аст, вале пас аз дамидани субҳ ин амал ҳаром буда, рўзаро мешиканад ва ба сабаби он каффорат лозим мегардад.