Домуллои муҳтарам илтимос мегуфтед, ки чанд намуди ҳаҷ ҳаст ва кадом намудаш фазилати бештар дорад?

Ассалому алайкум бародари азиз, ҳаҷ се намуд мешавад: Ифрод, таматтуъ ва қирон. Аз миқотҷо танҳо барои ҳаҷ ба эҳром даромада, то тамом шудани ҳаҷ дар ҳолати эҳром монанд, онро ҳаҷҷи ифрод мегўянд. Агар аз миқотҷо танҳо барои умра ба эҳром даромада, ҳаҷро ба охир расонанд, онро ҳаҷҷи таматтуъ ва агар аз миқотҷо ҳам барои умра ва ҳам барои ҳаҷ ният карда, ба эҳром дароянд ва то тамом шудани ҳаҷ дар ҳолати эҳром монанд, онро ҳаҷҷи қирон меноманд. Ҳар яке аз ин навъҳои ҳаҷ фазилати ба худ хос дорад. Аз дидгоҳи мазҳаби ҳанафӣ ҳаҷҷи аз ҳама бофазилат ҳаҷҷи қирон аст. Аз дидгоҳи мазҳаби шофеӣ ҳаҷҷи ифрод фазилати бештар дорад.